Buyraklardan toshlar va tuzlarni chiqarib yuborishning usullari
Joylandi: 29.07.22 / 22:39
Kaliy tuzlari buyraklarda siydik ajralishini ko‘paytiradi. Kaliy esa poliz maxsulotlarida va mevalarda ko‘p. Masalan, yaxshi tayyorlangan sabzi shirasidan 200 gr, selderey 400 gr, petrushka 20 gr, limon 30 gr, aralashtirib bir kunda 1 marta 50 gr dan ovqatdan 1 soat oldin ichilsa, buyrakdagi toshni eritib tushirib yuborishga yordam beradi.
Ushbu muolajalar bajariladigan paytda har kuni issiq vanna qabul qilish kerak. Vannadan so‘ng hamisha bel sohasini issiq saqlash kerak.
Limonli choy, uzum bargi qaynatmasi, yalpiz damlamasi ham buyrakda tomchilarni qisqartirishni yaxshilaydi, tosh yoki tuzlarni siljishiga yordam qiladi, marvaridgul gullari, qayin barglari, archa mevalari, ukrop mevasi, petrushka mevasi, qora marjon gullari , qora zira mevalari, gul yaproq o‘ti, qirq bo‘g‘in o‘ti, yer tuti barglari ham buyrak faoliyatini yaxshilashga yordam beradi.
Tarvuz siydik yo‘llari va buyraklardagi tuz yoki toshlarni eritadi. Har kuni (3 kg dan 1 kunda 3 marta 1 kg dan) tarvuz iste’mol qilinadi. Po‘chog‘i qaynatilib, suzib ichiladi va har kuni 3 – 4 marta vanna qilish va yengil jismoniy mexnat qilinadi. Buyrak va siydik yo‘llarini tozalashni kuz faslida qilgan ma’qul. Lekin buyrak va siydik yullarini tozalash zarurati tug‘ilsa ularni har doim ham tozalash mumkin.
Buyraklarni na’matak tomiri qaynatmasi bilan yuvish muolajasi uchun 2 osh qoshiq maydalangan na’matak tomirlari 200gr suvda 15 daqiqa qaynatiladi, sovutib, dokada suziladi. 1 kunda 3 mahal 1 stakandan ovqatdan yarim soat oldin ichiladi. Na’matak mevasini ham shunda ishlatish mumkin.
