Jon Grey – «Erkaklar Marsdan, ayollar Veneradan»: Muhabbatni qanday asrab qolish mumkin?
haqida o'ylab o'tirishmaydi.
«Siz meni sevmaysiz» deb yig'lagan ayol erkak muhabbatini ko'rmay qolgani yoki uning qadriga yetmay qo'ygani yo'q, balki ayni paytda yorining ko'magi va mehriga juda katta ehtiyoj sezmoqda.
«Men deyarli tayyorman» degan gapni eshitgan erkak yori ikki daqiqada tayyor bo'lishi, shunchaki poyabzalni kiyishi qoldi degan fikrga keladi. Ammo ayolning ushbu gapi oldinda uning 10-20 daqiqalik ishi bor ekanligini anglatadi.
Agar erkak «Bo'ldi, bu mavzuni yopamiz» desa u haqiqatan ham ushbu suhbatga nuqta qo'yib mavzuni yopmoqchi. Yopilgan mavzu esa erkak tomonidan boshqa hech qachon ko'tarilmaydi. Agar ushbu jumla ayol tomonidan aytilgan bo'lsa, bilingki, u shunchaki bahslashishdan charchadi va mavzuni vaqtincha yopmoqchi. Ammo tez kunlarda uni qaytadan muhokama qilish uchun tayyor bo'ladi.
Uchinchi farq
Erkak va ayollar miyasi orasidagi uchinchi farq juda qiziqarlidir. Ayollar erkaklardan doim mehr va g'amxo'rlik ko'rsatishlarini kutib turishadi. Ammo u hech qachon buni o'zi so'rab olmaydi. Uning fikricha, erkak mehrni o'z tashabbusiga ko'ra bera olishi lozim. Misol uchun sumkasini ko'tarib olishingiz uchun shunchaki «Sumkamni ko'tarib oling» deyishi ham mumkin. Biroq ayollar hech qachon o'z maqsadini ochiqdan-ochiq oshkor qilmaydilar. Ular erkakka qarata «Sumkamni ko'tarib olarsiz balki?» deya kesatishlari aniq. Erkak esa ushbu so'zdan xafa bo'lib qoladi.
Tushunganingizdek, ayol va erkak o'z yorining qanday o'ylashi haqida yetarlicha ma'lumotga ega bo'lishi lozim. Shu tariqa salbiy oqibatlardan qutulish ham mumkin. Balki o'zgarishni va o'z ustingizda ishlashni istamassiz ham. Ammo muhabbatni asrab qolish uchun yoringizning fe'li bilan hisoblashishingiz shart. Yo'qsa, har qanday kuchli munosabat ham kun kelib maishiy muammolar qarshisida zaiflashishi mumkin. Munosabatlarning bor siri ham aynan shunda…
